لاہور( این این آئی)یوم پاکستان کے موقع پر شاعر مشرق ڈاکٹر علامہ محمد اقبال کے مزار گارڈزکی تبدیلی کی پر وقار تقریب کا انعقاد کیا گیا جس میں پنجاب رینجرز کی جگہ پاکستان ائیر فورس کے چاک و چوبند دستے نے فرائض کے گارڈز سنبھالے ۔گارڈز کی تبدیلی کی تقریب کے مہمان خصوصی ائیر وائس مارشل ندیم اختر خان تھے ۔ائیر فورس کے چاک و چوبنددستے نے مزاراقبال پر سلامی دی اور مہمان خصوصی ائیر وائس مارشل ندیم اختر خان نے مزار اقبال پر پھول چڑھائے اور فاتحہ خوانی کی۔مہمان خصوصی ائیر وائس مارشل ندیم اختر خان نے مہمانوں کی کتاب میں تاثر ات بھی قلمبند کئے۔ یوم پاکستان کے موقع پر دیگر اعلیٰ شخصیات نے بھی مزارقائد پر حاضری دی پھول چڑھائے اور فاتحہ خوانی کی ۔
