واشنگٹن(این این آئی)خلیج عرب سے امریکی بحری بیڑے اور افواج نکلال لی گئی ،عرب ٹی وی کے مطابق امریکی نیول گروپ میک کین آئلینڈنے امریکی بحری طاقت کو خلیج میں کم سے کم کرنے کے بعد کوچ کا فیصلہ کیا۔ امریکی بحریہ کے کمانڈر ریبکا ریبارش نے بتایا کہ جہاز نے آبنائے ہرمز کو عبور کیا۔ ان کا کہنا تھا کہ بحری بیڑہ کارل براشیئر جہاز کے ساتھ خطے کے دوسرے اتحادی ممالک کی مدد اور آپریشنز میں شمولیت کے لیے خلیج سے باہر نکلا ہے لیکن اس نے اس گروپ سے خلیج سے باہر ہونے کے بعد خطے میں امریکی فوج کی طاقت اور اس کی ضرورت سے متعلق سوال پر کوئی تبصرہ نہیں کیا۔ادھر میرین کمانڈر رابرش نے اعلان کیا کہ اس گروپ نے بحر عمان اور بحیرہ عرب میں بحری ہتھیاروں میں جاپان ، بیلجیئم اور فرانس کی افواج کے ساتھ آپریشنز میں حصہ لیا ہے۔متعدد ممالک کی مشترکہ بحری فورس اعلی صلاحیتوں کی حامل ہے۔ ان کے پاس فرانسیسی طیارہ بردار بحری جہاز چارلس ڈی گول بھی شامل ہے۔ پانچویں بیڑے کے ترجمان کے مطابق خطے کی سلامتی اور نیوی گیشن اور تجارت کی آزادی کو لاحق خطرات سے نمٹنے کے لیے مشقیں کر رہی ہے۔یہ بات واضح ہے کہ ان کارروائیوں کو ایرانی طرز عمل سے نمٹنے کے لیے ہدایت دی گئی ہے۔اس سے قبل ایرانیوں نے آبنائے ہرمز اور بحیرہ عرب میں تجارتی جہازوں پرحملہ کیا تھا۔امریکی محکمہ دفاع کے ایک بیان میں کہا گیا کہ امریکی وزارت دفاع وقتا فوقتا دنیا بھر میں فوجی تعیناتی کا جائزہ لیتی ہے اور ضروریات کے پیش نظر ایڈجسٹمنٹ بھی ،آپریشنل ماحول میں تبدیلیاں کی جاتی ہیں۔ذرائع نے تصدیق کی کہ ان دنوں خلیج عرب کے خطے میں فوج کی تعیناتی کے معاملے میں امریکی نقطہ نظر سے معلوم ہوتا ہے کہ امریکی پالیسی براہ راست ایرانی خطرے کے تناظر میں تیار کی جاتی ہے تاہم موجودہ امریکی صدر جوبائیڈن ایران کے ساتھ جاری تنازعات کو سفارت کاری کے ذریعے حل کرنے پر زور دیتے ہیں۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...