اسلام آباد (این این آئی) پاکستان پیپلز پارٹی کی نائب صدر شیری رحمن نے کہاہے کہ ہمیں پاکستان کو ترقی پسند اور خوشحال ملک بنانا ہے جس میں تمام شہریوں کو برابر کے حقوق حاصل ہوں،پیپلز پارٹی قرارداد پاکستان کی حقیقی علمبردار ہے، پاکستان کو عظیم تر ملک بنانے میں اپنی کوششیں جاری رکھے گی ۔ 23 مارچ کے حوالے سے نائب صدر پیپلز پارٹی سینیٹر شیری رحمان نے اپنے بیان میں کہاکہ پوری قوم کو 23 مارچ کی مبارک باد پیش کرتی ہوں، ملک کی خدمت کرنے والے اور قربانیاں دینے والے تمام حب الوطن پاکستانیوں کو خراج پیش کرتی ہوں۔ انہوںنے کہاکہ پاکستان 23 مارچ کی قرارداد کی بنیاد پر قائم ہوا، قرارداد پاکستان امن، رواداری خوشحالی کی ضمانت دیتی ہے۔ انہوںنے کہاکہ ہمیں پاکستان کو ترقی پسند اور خوشحال ملک بنانا ہے جس میں تمام شہریوں کو برابر کے حقوق حاصل ہوں۔ انہوںنے کہاکہ پیپلز پارٹی قرارداد پاکستان کی حقیقی علمبردار ہے، پاکستان کو عظیم تر ملک بنانے میں اپنی کوششیں جاری رکھے گی۔
