ماسکو (این این آئی)امریکی پابندیوں پر روسی وزارت خارجہ نے امریکی سفیر کو طلب کرلیا، روسی وزارت خارجہ نے امریکا کو جلد جارحانہ جواب دینے کا اعلان کیا ہے۔غیرملکی خبررساں ادارے کے مطابق امریکی پابندیوں پر روسی وزارت خارجہ کی ترجمان نے کہا کہ روس پر امریکا کی نئی پابندیوں کا عنقریب جارحانہ جواب دیا جائے گا۔انہوں نے کہا کہ امریکا کی نئی پابندیاں امریکی صدر بائیڈن کی روس کیساتھ تعلقات معمول پر لانے کی خواہش کے برعکس ہیں جبکہ روس متعدد دفعہ امریکا کو مخالفانہ اقدامات کے نتائج سے خبردار کرچکا ہے۔
