مکوآنہ (این این آئی )برٹش کونسل 90 ہزار طلبا سے کیمبرج امتحانات لے گی، برٹش کونسل نے امتحان میں طلبا کی شمولیت کیلئے آگاہ کردیا۔تفصیلات کے مطابق برٹش کونسل کی جانب سے صوبائی وزیر یاسر ہمایوں کو مراسلہ ارسال کیا گیا ہے۔ جس میں کہا گیا ہے کہ برٹش کونسل 26 اپریل سے کیمبرج ا متحانات کا آغاز کررہی ہے۔ کیمبرج امتحانات کا سلسلہ 13 جون تک جاری رہے گا۔ لاہور میں 13 مقامات پر روزانہ 5 ہزار سے زائد طلبا امتحان دینگے۔ پنجاب کے 22 اضلاع میں مجموعی طور پر 40 سینٹرز قائم کیے گئے ہیں۔ شریک نہ ہونے والے طلبااکتوبر میں امتحانات دے سکیں گے۔
