کابل(این این آئی)طالبان نے افغان رہنماوں کو بھیجے خط میں براہ راست بات چیت کا مطالبہ کیا ہے،میڈیارپورٹس کے مطابق ترجمان افغان مفاہمتی کونسل نے کہاکہ طالبان قومی سطح پر اختلاف پیدا کرنا چاہتے ہیں، ان کی کوشش کامیاب نہیں ہونے دینگے۔طالبان کی جانب سے مفاہمتی کونسل کے سربراہ عبداللہ عبداللہ اور سابق افغان صدر حامد کرزئی کو خط موصول ہوئے ۔دفتر مفاہمتی کونسل نے تصدیق کرتے ہوئے کہا کہ طالبان کی جانب سے براہ راست بات چیت کا کہا گیا ہے ، طالبان کے خط کا مقصد قومی سطح پر اختلاف پیدا کرنا ہے ۔افغانستان کا مسئلہ متعدد چینلز کے استعمال سے مزید پیچیدہ ہو جائے گا، جبکہ طالبان نے افغان رہنماوں کو خطوط سے متعلق باضابطہ بیان جاری نہیں کیا ۔
