اسلام آباد (این این آئی) وفاقی حکومت نے گلگت بلتستان کے لئے 370 ارب روپے کے پیکج کا اعلان کیا ہے ۔وفاقی وزیر اسد عمر نے گلگت بلتستان کی ترقی سے متعلق تقریب سے خطاب کرتے ہوئے کہا کہ گلگت میں 5 سال میں 370 ارب روپے ترقیاتی کاموں کے لیے خرچ کیے جائیں گے۔انہوںنے کہاکہ گلگت بلتستان سے خوبصورت علاقہ دنیا میں کوئی نہیں ہے، وزیراعظم عمران خان کا وڑن پسماندہ علاقوں کو ترقی دینا ہے۔اسد عمر نے کہا کہ کراچی بلوچستان، اندرون سندھ کے بعد اب یہاں ترقیاتی پیکچ کا اعلان کیا گیا، گلگت بلتستان میں بجلی کے نظام کے لیے 9 منصوبے اور سڑکوں کے پانچ بڑے منصوبے ہیں۔انہوں نے کہا کہ وزیراعلیٰ خالد خورشید جی بی کی ترقی کے لیے سنجیدہ ہیں، گلگت بلتستان میں سیاحت کے لیے بہت زبردست کام ہو رہا ہے
