ممبئی (این این آئی)بھارتی اداکار رنبیر کپور نے کہا ہے کہ ان کے والد اپنی بیماری کے دنوں میں بھی اپنی فلموں میں واپسی کیلئے پریشان رہا کرتے تھے اور اس کی فکر کیا کرتے تھے۔ ان کی موت کے ایک سال مکمل ہونے پر بیٹے رنبیر کپور نے بتایا کہ والد رشی کپور فلموں سے متعلق بات چیت کیا کرتے تھے۔وہ کہتے تھے فلم کیسی چلی، اس میں کیا کام ہوا، پرفارمنس کیسی تھی وغیرہ۔رنبیر کپور نے کہا کہ والد کو ہمیشہ یہ فکر رہا کرتی تھی کہ وہ دوبارہ کب فلموں میں واپسی کریں گے، وہ سوال کیا کرتے تھے کہ کیا اب انھیں کوئی ڈائریکٹر فلم میں کوئی کردار آفر کرے گا؟ کیا وہ دوبارہ فلموں میں آنے کے قابل ہوجائیں گے؟۔
