اسلام آباد (این این آئی)معاون خصوصی برائے امور نوجوانان عثمان ڈار نے کہا ہے کہ جہانگیر ترین کو پتا ہے عمران خان کبھی بلیک میل نہیں ہوں گے۔ ایک انٹرویو میں معاون خصوصی عثمان ڈار نے کہا کہ عمران خان ایک نظریے کا نام ہے وہ کبھی سمجھوتہ نہیں کریں گے، عمران خان کے بغیر پارٹی نہیں ہے عمران خان پی ٹی آئی سے بڑا نام ہے۔عثمان ڈار نے کہا کہ تمام ارکان کہتے ہیں جہانگیر ترین جو کہیں گے وہی کریں گے ،جہانگیر ترین کہتے ہیں وہ پی ٹی آئی اور عمران خان کے ساتھ ہیں۔معاون خصوصی نے کہا کہ نذیر چوہان نے جوش خطاب میں بڑی غلط زبان استعمال کی، ان کو چیلنج ہے استعفیٰ دیں دوبارہ الیکشن لڑیں ضمانت ضبط ہوجائیگی۔
