انقرہ (این این آئی)وزیر خارجہ مخدوم شاہ محمود قریشی نے ترکی میں انطالیہ ڈپلومیسی فورم کے موقع پر فلسطینی وزیر خارجہ ،ڈاکٹر ریاض المالکی کے ساتھ ملاقات کی جس میں دو طرفہ تعلقات ، خطے کی صورتحال سمیت باہمی دلچسپی کے امور پر تبادلہ خیال کیا گیا ۔فلسطین کے وزیر خارجہ ڈاکٹر ریاض المالکی نے فلسطین میں امن و امان کی صورتحال کے حوالے سے آگاہ کیا۔ شاہ محمود قریشی نے کہاکہ فلسطین کا قضیہ مشرق وسطی میں بے چینی کی بنیادی وجہ ہے۔ انہوںنے کہاکہ پاکستان، 1967 سے قبل کی سرحدی صورت حال اور اقوام متحدہ کی قراردادوں کی روشنی میں مسئلہ فلسطین کے دو ریاستی حل کا حامی ہے۔ انہوںنے کہاکہ پاکستان، فلسطینی عوام کے حق خود ارادیت کی جدوجہد کی حمایت کرتا ہے ،وزیر خارجہ نے فلسطینی ہم منصب کو، مسئلہ فلسطین کے پر امن حل کیلئے پاکستان کی جانب سے کی گئی سفارتی کاوشوں سے آگاہ کیا۔وزیرخارجہ نے فلسطین کے مسئلے پر او آئی سی اور عرب لیگ کی کاوشوں کو سراہا ۔وزیر خارجہ نے وزیر اعظم عمران خان، پاکستانی قیادت اور عوام کی جانب سے، فلسطینی قیادت کے ساتھ اظہار یکجہتی کیا ۔وزیر خارجہ نے شرٹ کا تحفہ فلسطینی وزیر خارجہ کو پیش کیا جس پر تحریر تھا اے ارض_فلسطین میں بھی حاضر ہوں۔فلسطینی وزیر خارجہ نے مسئلہ فلسطین کے حوالے سے پاکستان کے واضح، دو ٹوک اور اصولی موقف کو سراہتے ہوئے، علاقائی اور عالمی سطح پر پاکستان کی سفارتی معاونت پر پاکستان کی قیادت اور وزیر خارجہ مخدوم شاہ محمود قریشی کا شکریہ ادا کیاوزیر خارجہ نے فلسطینی وزیر خارجہ کو دورہ پاکستان کی دعوت دی جسے انہوں نے شکریے کے ساتھ قبول کیا۔
مقبول خبریں
مریم نواز نے پاکستان کے پہلے سرکاری آٹزم سکول کا سنگ بنیاد رکھ دیا
لاہور(این این آئی) وزیراعلیٰ پنجاب مریم نواز شریف نے پاکستان کے پہلے سرکاری آٹزم سکول کا سنگ بنیاد رکھ دیا۔وزیراعلیٰ مریم نواز شریف نے...
پاکستان ایٹمی قوت، اسرائیل ہم پر حملہ نہیں کر سکتا، وزیر دفاع
اسلام آباد(این این آئی) وزیردفاع خواجہ آصف نے کہا ہے کہ ہم ایٹمی قوت ہیں، اسرائیل پاکستان پر حملہ نہیں کر سکتا۔اپنے ایک بیان...
کیا پی ٹی آئی شنگھائی تعاون تنظیم کو بھی سبوتاژ کرنا چاہتی ہے؟ شیری...
اسلام آباد(این این آئی) پیپلز پارٹی کی نائب صدر اور سینیٹر شیری رحمان کا کہنا ہے کہ تحریک اںصاف کے اسلام آباد میں دھرنوں...
ڈبل ٹیکسیشن ٹریٹی نظرِ ثانی کیس کی سماعت کیلئے سپریم کورٹ کا 3 رکنی...
اسلام آباد(این این آئی)سپریم کورٹ آف پاکستان نے ڈبل ٹیکسیشن ٹریٹی نظرِ ثانی کیس کی سماعت کیلئے 3 رکنی بینچ تشکیل دے دیا۔چیف جسٹس...
اسلام آباد پر ہر چوتھے دن خیبرپختونخوا سے دھاوا بولنے کی اجازت نہیں دی...
اسلام آباد(این این آئی) وزیر داخلہ محسن نقوی نے کہا ہے کہ اندازہ ہے کہ سڑکوں کی بندش سے لوگوں کو پریشانی ہے ان...