اسلام آباد (این این آئی)اسپیکر قومی اسمبلی اسد قیصر نے قانون سازی پر 14 رکنی کمیٹی تشکیل دے دی۔جمعرات کو جار ی اعلامیہ کے مطابق اسپیکر قومی اسمبلی اسد قیصر نے قومی اسمبلی میں پارلیمانی پارٹیوں کے رہنماؤں کی مشاورت سے قانون سازی پر کمیٹی تشکیل دی۔کمیٹی اپنے ٹی آو آر کو وقتاً فوقتاً اسے بھیجے گئے معاملات کے حوالے حتمی شکل دے گی۔ کمیٹی اپنی سفارشات اسپیکر قومی اسمبلی کو پیش کرے گی۔ اعلامیہ کے مطابق کمیٹی میں وزیردفاع پرویز خٹک، وفاقی وزیر منصوبہ بندی اسد عمر، وفاقی وزیر ہائوسنگ طارق بشیر چیمہ ،کمیٹی میں وفاقی وزیر بین صوبائی رابطہ فہمیدا مرزا، وزیر اعظم کے مشیر برائے پارلیمانی امور بابر اعوان، خالد مقبول صدیقی، خالد مگسی ،اپوزیشن کی جانب سے شاہد خاقان عباسی، سردارایازصادق، راناثناء اللہ،شاہدہ اختر علی، نوید قمر، شازیہ مری، آغاحسن بلوچ شامل ہیں
