کراچی سیف سٹی پراجیکٹ کیلئے8ارب مختص کیے ہیں، مرتضی وہاب

0
47

کراچی(این این آئی)ترجمان حکومت سندھ مرتضی وہاب نے کہا ہے کہ ماضی کے تجربے کے حوالے سے معذرت چاہوں گا، ہم نے کراچی سیف سٹی پراجیکٹ کیلئے8ارب روپے مختص کیے ہیں۔خصوصی گفتگو کرتے ہوئے ترجمان حکومت سندھ مرتضی وہاب نے کہا کہ سیف سٹی پراجیکٹ بہت اہم ہے، اس سے کوئی انکار نہیں، ماضی میں ٹیکنیکل ایشوز کی وجہ سے سندھ حکومت اس پراجیکٹ کو جاری نہیں رکھ سکی۔انہوں نے کہاکہ سیف سٹی پراجیکٹ سے متعلق سندھ حکومت نے قانون سازی شروع کردی ہے، اگلے چند ماہ میں سیف سٹی پراجیکٹ پر آن گرائونڈ کام ہوتا نظر بھی آئے گا۔انہوں نے کہاکہ پراجیکٹ سے متعلق 3چیزیں اہم ہیں جن میں قانون سازی، پراجیکٹ کیلئے رقم، پرائیویٹ کنٹریکٹر شامل ہیں۔