اسلام آباد(این این آئی) پاکستان پیپلز پارٹی نے تیل کی قیمتوں میں اضافے کو مسترد کر دیا۔ اپنے بیان میں شیری رحمن نے کہاکہ بجٹ کے دوسرے دن عوام پر پیٹرول بم گرایا گیا ہے، پیٹرولیم مصنوعات کی قیمتوں میں ایک بار پھر اضافے کو مسترد کرنے ہیں۔ انہوںنے کہاکہ تباہی سرکار کے ابھی سے منی بجٹ جاری ہونا شروع ہو گئے ہیں، 15 جون کو پیٹرول کی قیمتوں میں اضافہ کیا گیا تھا۔ انہوںنے کہاکہ 15 دن گزرنے کے بعد پیٹرول کی قیمت میں 2 روپے اور ڈیزل 3 روپے فی لیٹر اضافہ کیا گیا ہے۔ انہوںنے کہاکہ 610 ارب روپے کی لیوی حاصل کرنے کے لئے پیٹرولیم مصنوعات میں بار بار اضافہ کیا جائیگا۔ انہوںنے کہاکہ تباہی سرکار عوام پر پیٹرول لیوی لگا کر عوامی بجٹ پیش کرنے کا دعوہ کرتی ہے۔ انہوںنے کہاکہ ادارہ شماریات کے مطابق حساس قیمتوں کی شرح پہلے ہی 15 فیصد سے تجاوز کر گئی ہے۔ انہوںنے کہاکہ تیل کی قیمتوں میں اضافے سے ہر چیر مزید مہنگی ہوگی، تباہی سرکار کی عوام دشمن معاشی پالسیز ناقابل قبول ہیں
