اسلام آباد (این این آئی)پاکستان تحریک انصاف کے رہنما سینیٹر فیصل واوڈا نے کہا ہے کہ(ن)لیگ کی قیادت نے اپنی حکومت کے دوران قومی خزانے کو بے رحمی سے لوٹا ،حکومت بدعنوان عناصر کے خلاف کڑا احتساب جاری رکھے گی،پاکستان کسی بھی ملک کو دوسرے ممالک کے خلاف جنگی کارروائیوں کیلئے کے لئے اپنی سرزمین ہرگز نہیں دے گا۔ ایک انٹرویو میں انہوں نے کہا کہ حکومت بدعنوان عناصر کے خلاف کڑا احتساب جاری رکھے گی تاکہ ان سے لوٹی ہوئی دولت واپس لے کر ملک و قوم کی فلاح وبہبود پر خرچ ہوسکے۔ انہوں نے کہا کہ مسلم لیگ(ن)کی قیادت نے اپنی حکومت کے دوران قومی خزانے کو بے رحمی سے لوٹا ، غریب عوام کے اس پیسے سے بیرون ملک اپنی جائیدادیں بنائیں۔ انہوں نے کہا کہ سابق وزیر اعظم نواز شریف عدالت کے سامنے جھوٹ بول کر طبی بنیادوں پر علاج کیلئے گئے لیکن واپس نہیں آئے، اب وہاں پرعیش وعشرت کی زندگی بسر کر رہے ہیں۔ انہوں نے کہا کہ وزیر اعظم عمران خان نے ہمیشہ قومی مفادات کو ترجیح دی ہے،
