اسلام آباد (این این آئی)وفاقی وزیر اطلاعات چوہدری فواد حسین نے کہا ہے کہ بلوچستان میں ہندوستان کا دہشت گردی کا نیٹ ورک کافی حد تک توڑ دیا ہے۔وفاقی وزیر اطلاعات نے اپنے بیان میں کہاکہ اب قوم پرستوں کے ساتھ بات چیت کا ایجنڈا طے کیا جائیگا،بلوچستان میں وفاقی حکومت 731 ارب کے 131 منصوبے مکمل کرے گی۔ چوہدری فواد حسین نے کہاکہ صوبائی حکومت کا ترقیاتی پروگرام صرف اس سال 180 ارب کا ہے۔ انہوںنے کہاکہ بلوچستان وزیراعظم عمران خان کے دل کے قریب ہے۔
