ملک بھر میں بجلی کا شارٹ فال صفر ہوگیا ہے، ترجمان وزارت توانائی کا دعویٰ

0
26

اسلام آباد(این این آئی)ترجمان وزارت توانائی نے دعویٰ کیا ہے کہ ملک بھر میں بجلی کا شارٹ فال صفر ہوگیا ہے۔ ترجمان وزارت توانائی نے دعویٰ کیا کہ ملک بھر میں بجلی کا شارٹ فال صفر ہوگیا ہے، اور تمام ڈسکوز کو طلب کے مطابق بجلی فراہم کی جا رہی ہے۔ترجمان نے دعویٰ کیا کہ ملک کے کسی بھی علاقے میں کہیں بھی لوڈشیڈنگ نہیں ہو رہی، لوڈ شیڈنگ صرف ان علاقوں میں ہے جہاں لاسسز کی بنیاد پر شیڈول میں ہے۔گزشتہ روز وفاقی وزیر نے اپنی ٹوئٹ میں کہا تھا کہ بجلی کی طلب و رسد تاریخ کی بلند ترین سطح پر پہنچتی ہوئے 24 ہزار 284 میگا واٹ ہوگئی ہے،اس سے طلب اور پیداوار میں بڑھوتری ہی ظاہر نہیں ہوتی بلکہ ترسیل کی استعداد میں اضافہ بھی نمایاں ہوتا ہے۔ انہوں نے کہا تھا کہ یہ ریکارڈ اس وقت قائم ہوا ہے جب اس سال پیک سیزن میں بھی پاکستان کا سب سے بڑا ڈیم تربیلا محض اپنی صلاحیت کے چوتھے حصے (25 فیصد) کے برابر ہی بجلی بنا رہا ہے۔