دوشنبے (این این آئی)وزیر خارجہ مخدوم شاہ محمود قریشی نے دوشنبے میں وسطی و جنوبی ایشیا رابطہ کانفرنس کے موقع پر ایمبیسڈر زلمے خلیل زاد سے ملاقات کی جس میں افغانستان کی بدلتی ہوئی صورتحال پر تبادلہ خیال کیا گیا ۔ شاہ محمود قریشی نے کہاکہ پاکستان، خطے میں روابط کے فروغ اور اقتصادی ترقی و استحکام کیلئے افغانستان میں قیام امن کو ناگزیر سمجھتا ہے ۔ مخدوم شاہ محمود قریشی نے کہاکہ پاکستان، افغانستان میں قیام امن کیلئے اپنا مصالحانہ کردار ادا کرتا رہے گا، افغانستان، کے مستقبل کا فیصلہ افغانوں نے مل بیٹھ کر خود کرنا ہے۔ انہوںنے کہاکہ پاکستان، افغانوں کی سربراہی میں ، افغانوں کو قبول، جامع مذاکرات کے زریعے افغان مسئلے کے سیاسی حل کی حمایت جاری رکھنے کیلئے پرعزم ہے
