کابل (این این آئی)افغانستان کے دارالحکومت کابل میں عیدالاضحیٰ کے دن نماز کی ادائیگی کے وقت صدارتی محل کے قریب راکٹ حملہ کیا گیا۔افغان میڈیا کے مطابق راکٹ صدارتی محل کیقریب داغے گئے، حملے کے وقت صدارتی محل میں عیدالاضحیٰ کی نماز ادا کی جارہی تھی جسے جاری رکھا گیا۔غیر ملکی خبر ایجنسی ذرائع کا کہنا ہے کہ صدارتی محل کیقریب کم از کم 2 راکٹ داغے گئے۔یہ راکٹ صبح 8 بجے داغے گئے اور ان کی آواز گرین زون تک سنی گئی۔
