نئی دلی(این این آئی) بھارت میںمتنازعہ آسام اور میزورام سرحدپر تازہ جھڑپوں میں6 پولیس اہلکار ہلاک اور 50زخمی ہو گئے ہیں۔ کشمیرمیڈیاسروس کے مطابق آسام کے سرحدی ضلع Cacharاور میزورام کے ضلع کولاسب سے فائرنگ اور سرکاری گاڑیوں پر حملوںکی اطلاعات ملی ہیں ۔ بھارتی وزیر داخلہ امت شاہ کی طرف سے دونوں صوبوں کے وزرائے اعلی سے ملاقات اور ان سے دونوںصوبوں کے درمیان سرحد کو پر امن رکھنے کی اپیل کے دو دن بعد تازہ جھڑپوں میںیہ ہلاکتیں ہوئی ہیں۔ دونوں وزرائے اعلیٰ نے اپنے ٹویٹس میں بھی جھگڑا کیا ہے اور اپنی پوسٹوںمیں امیت شاہ کو ٹیگ کیا ہے ۔انہوںنے جھڑپوںکی ایک ویڈیو بھی پوسٹ کی جس میں لاٹھیاں اٹھائے ہوئے لوگوںکو دیکھا جاسکتا ہے ۔ دونوں ریاستوں کے درمیان یہ تنازعہ طویل عرصے سے ہے۔آسام کے براک وادی کے ضلع کچھار،کریم گنج اور ہیلا کانڈیہ میزورم کے تین اضلاع آئیذول، کولاسب اور مامت کے ساتھ 164 کلومیٹر لمبی سرحد شیئر کرتے ہیں ۔برسوں سے سرحد کے متنازعہ علاقوں میں جھڑپیں جاری ہیں ۔ آسام کے میگھالیہ اور اروناچل پردیش کے ساتھ بھی سرحدی تنازعات ہیں۔
