اسلام آباد (این این آئی)پاکستان پیپلز پارٹی کی سیکرٹری اطلاعات شازیہ مری نے کہا ہے کہ پی ٹی آئی حکومت عالمی آقائوں کی ڈکٹیشن پر چل رہی ہے اسے عوام کی کوئی پرواہ نہیں، نااہل حکومت نے مہنگائی سے ماری عوام پر رواں ماہ دوسری مرتبہ پیٹرول بم گرادیا، نیازی سلطنت بدترین مہنگائی کرکے لوگوں سے جینے کا حق چھین رہی ہے۔ پیٹرولیم قیمتوں اور مہنگائی پر ردعمل دیتے ہوئے پاکستان پیپلز پارٹی کی سیکرٹری اطلاعات شازیہ مری نے کہا ہے کہ نااہل حکومت نے مہنگائی سے ماری عوام پر رواں ماہ دوسری مرتبہ پیٹرول بم گرادیا۔ انہوں نے کہا کہ پی ٹی آئی حکومت عالمی آقائوں کی ڈکٹیشن پر چل رہی ہے اسکو عوام کی کوئی پرواہ نہیں۔انہوں نے کہا کہ ہم پیٹرول کی قیمت میں 1.71 روپیہ اضافے کے عوام دشمن فیصلے کو مسترد کرتے ہیں،پیٹرول قیمتوں میں اضافے سے غریب عوام پر مہنگائی کا طوفان برپا ہوگا۔انہوں نے کہا کہ ادارہ شماریات کی ہفتہ وار رپورٹ کے مطابق چینی کی قیمت میں 1 روپے 55 پیسے فی کلو اضافہ کیا گیا ہے
