نئی دلی(این این آئی)کانگریس کی جنرل سکریٹری پرینکا گاندھی نے کہا ہے کہ جس طرح برطانوی سامراج کے خلاف انگریزو ہندوستان چھوڑوتحریک چلائی گئی تھی، اسی طرز پر بھارتیہ جنتا پارٹی کو اقتدار سے باہر کرنے کیلئے”بی جے پی کرسی چھوڑو” تحریک چلائی جانی چاہیے۔کشمیرمیڈیاسروس کے مطابق پرینکا گاندھی نے ایک ٹویٹ میںکہاکہ یہ عوام کی آواز ہے اور ملک کے لوگ بی جے پی سے آزادی چاہتے ہیں، اس لئے ‘بی جے پی کرسی چھوڑو’ تحریک ضروری ہے۔انہوںنے کہاکہ “یہ ہندوستان چھوڑو تحریک کے ‘کرو یا مرو’ نعرے سے ترغیب یافتہ ہے۔ یہ عوام کی آواز ہے”۔انہوں نے مزید کہا کہ “لوگ بے روزگاری، بھوک، مہنگائی، بدعنوانی اور کسانوں سے وعدہ خلاف کا جواب دینے کے لیے تیار ہیں۔ پرینکاگاندھی نے کہاکہ کانگریس کی قیادت نے ہر معاملہ پر عوامی تحریک چلائی ہے جس میں کانگریس کے سابق صدر راہل گاندھی بھی پیش پیش رہے ہیں
