لاہور (این این آئی) پاکستان مسلم لیگ (ن) کے صدر شہبازشریف نے نئے اسلامی سال کے آغاز پر امت مسلمہ کو مبارکباد اور نیک تمنائوں کا اظہار کرتے ہوئے کہاکہ محرام الحرام انتہائی فضیلت والا مقدس مہینہ ہے ،اس مہینے کی خاص فضیلت سیدالشہداحضرت امام حسین ، اہل بیت اطہار اور ان کے ساتھیوں کی عظیم قربانی ہے ،یہ مہینہ نبی مکرم اوراہل بیت سے عقیدت ومحبت ر کھنے والوں کے لئے ابتلاوغم کا مہینہ ہے ۔محرم الحرام حرمت والے چار اسلامی مہینوں میں سے ایک ہے جس سے اس کی قدرومنزلت کا اندازہ کیاجاسکتا ہے ۔پوری دنیا کو حرمت والے چار اسلامی مہینوں کو عالمی جنگ بندی کے ایام کے طورپر اپنانا چاہئے۔
