لاہور(این این آئی) مسلم لیگ(ن)پنجاب کی سیکرٹری اطلاعات عظمی بخاری نے کہاہے کہ عثمان بزدار کو نئے وزیراطلاعات کیلئے اخبار میں اشتہار دینا چاہیے،فردوس عاشق کے جاتے ہی عثمان بزدار نے بھی پھرتیاں دیکھانا شروع کردی ہیں،عثمان بزدار ایک دن میں 400سائلین سے ملاقاتوں کی خبریں چلوارہے ہیں،عثمان بزدار کسی بجلی کا میٹر لگوانے کی صلاحیت نہیں رکھتے تو لوگ کے مسائل خاک حل کرینگے،بزدار صاحب پریس ریلیز چلوانے سے آپ کی کارکردگی بہتر نہیں ہو سکتی ۔ اپنے بیان میں انہوںنے کہاکہ پنجاب حکومت تین سالوں میں اپنے وسائل سے ایک پروجیکٹ بھی مکمل نہیں کرسکی۔شہبازشریف نے پنجاب کے وسائل سے لاتعداد پروجیکٹس بھی مکمل کیے اور قوم کے اربوں روپے بچائے۔عثمان بزدار اپنے حق میں جعلی اور خوشامدی خبریں چلواکرشہبازشریف کا مقابلہ کرنے کی کوشش کررہے ہیں۔ا نہوںنے کہاکہ راوی ریور پروجیکٹ دوسرا راولپنڈی رنگ روڈ سکینڈل بنے گا۔نوازشریف اور شہبازشریف کے منصوبوں پر تختیاں لگاکر عمران اور بزدار خدمتگار لیڈر بننے میں لگے ہیں۔قوم عمران خان کی دو نمبریاں جان چکی ہیں۔کرکٹ سے سیاست تک ہر میدان میں عمران خان نے دو نمبری سے ہی اپنی جگہ بنائی۔
