لاہور( این این آئی)پی ٹی وی کے سینئر پروڈیوسرآغا قیصر عباس کا چودہ اگست کی مناسبت سے بچوں کیلئے تیار کیا گیا خصوصی پروگرام کل( ہفتہ) کو پیش کیا جائے گا ۔ بچوں کے خصوصی پروگرام کی ریکارڈنگ میں پرائیڈ آف پرفارمنس اداکار وصداکار شجاعت ہاشمی او رعلامہ اقبال کے نواسے اقبال صلاح الدین نے شرکت کی ۔ اس شو میں نئے ٹیلنٹ ارم قاسم کو بھی موقع دیا گیا جنہوںنے پہلی مرتبہ پرفارم کیا۔ پروگرام کا اسکرپٹ قرة العین تاج نے لکھاہے ۔مذکورہ پروگرام چودہ اگست کے روز پی ٹی وی ہوم لاہورسینٹر سے آن ائیر کیا جائے گا۔
