نئی دلی(این این آئی)بھارت میں کانگریس پارٹی کے سابق صدر راہل گاندھی نے ملک میںمہلک کورونا وبا مسلسل تیزی سے پھیلنے پر تشویش ظاہرکرتے ہوئے کہا ہے کہ مودی حکومت صرف ملک کی جائیداد فروخت کرنے میں مصروف ہے اور اسے لوگوں کو کورونا سے بچانے کی کوئی پرواہ نہیں۔کشمیرمیڈیاسروس کے مطابق راہل گاندھی نیایک ٹویٹ میں طنز کرتے ہوئے کہا کہ مودی حکومت ملک کا سب کچھ فروخت کر رہی ہے اور اس کی توجہ پیسہ کمانے پر ہے، اس لئے لوگوں کو خود مہلک وبا سے بچنے کی فکر کرنی ہوگی۔ انہوں نے کہاکہ ملک میں کورونا کیسز مسلسل بڑھ رہے ہیں اور وبا کی آئندہ لہر کوروکنے کیلئے ویکسی نیشن پروگرام میںتیزی لاناہوگی۔ انہوںنے عوام سے اپیل کی کہ وہ اپنا خیال خودرکھیں کیونکہ مودی حکومت سرکاری املاک بیچنے میں مصروف ہے۔ خیال رہے کہ بھارت میں کورونا کیسز میں تیزی سے اضافہ ہو رہا ہے اور 44ہزار658نئے کیسزرپورٹ ہو ئے ہیں جبکہ اس دوران 496ہلاکتیں ہوئی ہیں۔ بھارت میں کورونا سے متاثرہ افراد کی مجموعی تعداد بڑھ کرتین کروڑ26لاکھ 3ہزار 188تک پہنچ گئی ہے جبکہ بڑھ کر چارلاکھ 36ہزار861تک پہنچ گئی ہے ۔ بھارتی ریاست کیرالہ میں کورونا وبا پھیلنے کی شرح سب سے زیادہ ہے اور وہاں گزشتہ روز 30ہزارسے زائدنئے کیس رپورٹ ہوئے ہیں۔
