کراچی (این این آئی)ایڈمنسٹریٹر کراچی اور ترجمان سندھ حکومت مرتضی وہاب نے کہا ہے کہ کراچی کے علاقے کورنگی کی فیکٹری میں آگ لگنے کے واقعے کی تحقیقاتی رپورٹ میڈیا سے شیئر کی جائے گی۔کراچی میں میڈیا سے گفتگو کرتے ہوئے ایڈمنسٹریٹر کراچی اور ترجمان سندھ حکومت مرتضی وہاب نے کہا کہ ضلع کورنگی میں فیکٹری میں آج آگ لگنے کا افسوس ناک واقعہ پیش آیا ہے۔انہوں نے بتایا کہ فائر بریگیڈ کے محکمے کو 10 بج کر 9 منٹ پر آگ لگنے کی اطلاع ملی، 10 بج کر 10 منٹ پر فائر بریگیڈ کا عملہ روانہ ہوا۔ایڈمنسٹریٹر کراچی نے کہا کہ آگ بجھانے کے لیے تمام تر اقدامات کیئے گئے، مشکلات اس لئے آئیں کے شاید فیکٹری میں اخراج کا راستہ نہیں تھا۔انہوں نے بتایا کہ آگ بجھ گئی ہے، کولنگ کا عمل جاری ہے، متاثرہ فیکٹری میں 21 افراد فرسٹ فلور پر کام کر رہے تھے۔ایڈمنسٹریٹر کراچی مرتضی وہاب نے بتایا کہ پولیس اور فائر بریگیڈ کا عملہ معاملے کی تفتیش کر رہا ہے، جس کی رپورٹ میڈیا سے شیئر کی جائے گی۔انہوں نے کہا کہ اللہ تعالی ہمیں توفیق دیں کہ فیکٹریوں کے حوالے سے منصوبہ بندی کی جا سکے، گزشتہ 3 سال میں کرپشن کی مثال نہیں ملتی۔ترجمان سندھ حکومت نے کہا کہ چینی اسکینڈل میں عوام کو لاکھوں روپے کا ٹیکہ لگایا گیا، دنیا بھر میں تیل کی قیمتیں کم ہو گئیں، یہاں تیل کی قیمت کم ہو تو تیل نہیں ملتا
