تل ابیب (این این آئی)اسرائیلی وزیر دفاع بینی گینٹز نے عالمی برادر پر ایران کو ایٹمی ہتھیاروں کے حصول سے روکنے کی ضرورت پر زور دیتے ہوئے کہا ہے کہ اس سے پہلے کہ دیر ہوجائے پوری دنیا ایران کو جوہری ہتھیاروں کے حصول سے روکنے کے عمل میں شامل ہوجائے۔اسرائیلی اخبارکے مطابق وزیر دفاع نے کہا کہ ایران کے پاس جوہری ہتھیاروں کا آنا مشرق وسطی میں ہتھیاروں کی دوڑ کو متحرک کرے گا۔انہوں نے نشاندہی کی کہ ایران کے جوہری ہتھیاروں کے حصول سے نہ صرف اسرائیل کی سلامتی کے لیے خطرہ ہے بلکہ یہ خطے میں ایرانی جارحیت کو بڑھانے اورخطے کے ممالک میں جوہری ہتھیاروں کے حصول کی دوڑ کا باعث بنے گا۔
