اسلام آباد(این این آئی)پاکستان اور کیوبا کے درمیان مفاہمت کی یادداشت پر دستخط کر دیئے گئے ۔ جمعہ کو وفاقی وزیر اطلاعات ونشریات چوہدری فواد حسین نے میڈیا سے گفتگو کرتے ہوئے کہاکہ پاکستان اور کیوبا کے درمیان شراکت کے وسیع تر امکانات موجود ہیں،افغانستان سے صحافیوں سمیت غیر ملکیوں کے انخلائ میں پاکستان کی کوششوں کو دنیابھر نے سراہا ہے۔ انہوںنے کہاکہ کوشش کر رہے ہیں کہ افغانستان میں انسانی المیہ جنم نہ لے۔ انہوںنے کہاکہ عالمی برادری کے ساتھ مل کر افغانستان کی انسانی ہمدردی کی بنیاد پر مدد کرنے کے خواہاں ہیں۔ سفیر کیوبا نے کہاکہ کابل سے غیر ملکیوں کے انخلائ میں مدد کرنے پر پاکستان کے شکر گزار ہیں،افغان عوام کیلئے خوراک اور ادویات کا سلسلہ شروع کرنا قابل ستائش ہے۔
