اسلام آباد (این این آئی)سیکرٹری اطلاعات پیپلز پارٹی پارلیمنٹرینز شازیہ مری نے کہا ہے کہ مشیر خزانہ کا بیان مضحکہ خیز اور سفید جھوٹ ہے۔ اپنے بیان میں شازیہ مری نے کہاکہ مشیر خزانہ نالائق وزیر اعظم کی نااہلی پر پردہ ڈال رہے ہیں، مشیر خزانہ کورونا کا بہانا بناکر مہنگائی کے حوالے سے تاویلیں نہ گھڑیں ۔ اپنے بیان میں انہوںنے کہاکہ سلیکٹڈ حکومت نے چینی اور گندم کا بحران خود پیدا کیا ،سستی چینی اور گندم ایکسپورٹ کرکے امپورٹ کی گئی ۔ انہوںنے کہاکہ ذرعی ملک میں چینی اور گندم کا مہنگا ہونا حکومت کی نالائقی ہے ۔ شازیہ مری نے طنز کیا کہ ترین صاحب کیا پٹرول۔گیس اور بجلی کی قیمتوں کا تعین بھی کورونا کر رہی ، شازیہ مری نے سوال اٹھایاکہ کیا ایل این جی کی خریداری میں تاخیر میں بھی کورونا رکاوٹ تھی ؟ انسانی زندگی بچانے والی ادویات کے مہنگے ہونے کا کورونا سے کیا تعلق ہے ۔ انہوںنے شازیہ مری پر تنقید کرتے ہوئے کہاکہ سرکاری ملازمین کی تنخواہیں اور پینشن میں اظافہ نہ کرنے میں بھی کورونا کا قصور ہے
