اسلام آباد (این این آئی) اسلام آباد کی احتساب عدالت میں سابق وزیراعظم شاہد خاقان عباسی و دیگر کے خلاف ایل این جی ریفرنس کی سماعت کے دور ان بیرسٹر ظفراللہ نے نیب کے گواہ پر جرح مکمل کرلی،آئندہ سماعت پر دیگر شریک ملزمان کے وکلاء گواہ پر جرح کریں گے۔منگل کو احتساب عدالت اسلام آباد کے جج اعظم خان نے ایل این جی ریفرنس پر سماعت کی۔ سابق وزیراعظم شاہد خاقان عباسی عدالت کے روبرو پیش ہوئے۔ وقفے سماعت کے بعد نیب گواہ سوئی سدرن گیس کے افسر فرحان عمر کے بیان پر بیرسٹر ظفر اللہ نے جرح کی۔نیب گواہ نے عدالت کو بتایا کہ شاہد خاقان سوئی سدرن کے بورڈ آف ڈائریکٹرز میں شامل نہیں تھے۔ نیب کو پیش کردہ چارٹ میرا تیار کردہ نہیں شاہد خاقان عباسی کے وکیل بیرسٹر ظفراللہ کی جرح مکمل ہونے پر عدالت نے سماعت 21 ستمبر تک ملتوی کر دی۔آئندہ سماعت پر دیگر شریک ملزمان کے وکلاء گواہ پر جرح کریں گے
