اسلام آباد(این این آئی) پاکستان سمیت دنیا بھر میں پولیو کے خاتمہ کا عالمی دن( کل) 24اکتوبرکو منایا جائے گا۔ اس دن کی مناسبت سے محکمہ صحت کے علاوہ اس مرض کے خاتمے کیلئے کام کرنے والی فلاحی تنظیموں کے زیر اہتمام کانفرنسز، سیمینارز اور خصوصی واکس کا اہتمام کیاجائے گا جس میں والدین میں پولیو کے تدراک کے لئے شعور بیدار کیا جائے گا ۔ ذرائع کے مطابق وزیراعظم محمد نواز شریف کی طرف سے پولیو کے تدراک کیلئے خصوصی اعلانات بھی متوقع ہیں ۔
