اسلام آباد (این این آئی)عالمی وبا کورونا وائرس سے بچائو کی ویکسین نہ لگوانے والوں پر جمعہ سے پابندیاں لاگو ہوگئیں ویکسین نہ لگوانے والے افراد جمعہ سے جہاز اور ریل پر سفر نہیں کر سکیں گے ،شادی اور ولیمے پر بھی جانے کی اجازت نہیں ہوگی ،جن افراد نے کورونا سے بچائو کی ویکسین نہیں لگوائی ان کو ہوٹل کے اندر اور باہر کھانا بھی نہیں ملے گا۔جو مسافر ویکسی نیشن کارڈ دکھا کر جہاز میں بیٹھیں گے، ان کے لیے کھانا بھی کھل گیا۔ کورونا وائرس کے باعث پروازوں میں کھانا کئی ماہ سے بند تھا۔
