واشنگٹن(این این آئی)امریکا اور چین کے درمیان تعلقات کو بہتر بنانے کے لیے ہونے والی اعلی سطح کی بات چیت کے بعد امریکا کے ایک سینئر عہدیدار نے بتایا ہے کہ دونوں ملکوں نے ابتدائی طور پر اس بات پر رضا مندی کا اظہار کیا ہے کہ رواں سال کے اختتام سے قبل دونوں ممالک کے صدور ورچوئل اجلاس کا انعقاد کریں گے۔غیر ملکی خبر رساں ادارے کی رپورٹ کے مطابق امریکی عہدیدار نے رپورٹرز کو آگاہ کیا کہ رواں سال کے اختتام سے قبل مشترکہ ورچوئل اجلاس منعقد کریں گے۔مزید تفصیلات سے متعلق سوال پر وائٹ ہاوس کے ترجمان جین ساکی کا کہنا تھا کہ ہم اب بھی اس پر کام کررہے ہیں کہ یہ کیسے اور کب ہونا چاہیے اور یقینا حتمی تفصیلات اب تک ہمیں بھی معلوم نہیں ہیں۔
