کراچی (این این آئی)پاکستان شوبز انڈسٹری میں تیزی سے مقبول ہوتی اداکارہ درفشاں نے کہا ہے کہ ہ وہ کسی قیمت پر بھی آئٹم نمبرز نہیں کریں گی۔ نجی ٹی وی چینل کے شو میں ایک سوال کہ ایسا کون سا کردار ہے جسے وہ نہیں کریں گی چاہے پھر انھیں اس کردار کیلئے 2 کروڑ کی پیشکش ہی کیوں نہ کی جائے؟۔اس کے جواب میں اداکارہ نے بتایا کہ وہ کسی بھی قسم کے آئٹم نمبر نہیں کرنا چاہیں گی۔درفشاں نے کہا کہ وہ اپنے کپڑوں حتیٰ کہ ہر چیز سے متعلق خاصی حساس ہیں لہٰذا کوئی بھی ایسا کردار نہیں کرنا چاہیں گی جس میں عورت یا اس کے جسم کو نمائش کے طور پر استعمال کیا جارہا ہو۔اداکار نے کہا کہ جس بھی کردار میں عورت کو بطور خاص پیش کیا جائے گا وہ اس کردار کو کسی صورت تسلیم نہیں کریں گی۔
