اسلام آباد (این این آئی)چیئرمین سینیٹ محمد صادق سنجرانی نے ممبر قومی اسمبلی پرویز ملک کے انتقال پر دکھ و افسوس کا اظہار کیا ہے۔ اپنے تعزیتی بیان میں چیئرمین سینیٹ نے کہا کہ مرحوم ایک مدبر سیاستدان تھے ان کی سیاسی و سماجی خدمات کو ہمیشہ یاد رکھا جائیگا۔ چیئرمین سینیٹ نے اللہ تعالیٰ سے مرحوم کی مغفرت، درجات بلند ی اور لواحقین کیلئے صبر وجمیل کی دعا کی۔ ڈپٹی چیئرمین سینیٹ سینیٹر مرزا محمد آفریدی، قائد ایوان سینیٹ سینیٹر ڈاکٹر شہزاد وسیم، قائد حزب اختلاف سینیٹ سینٹر سید یوسف رضا گیلانی نے بھی پرویز ملک کے انتقال پر دکھ و افسوس کا اظہار کرتے ہوئے مرحوم کی مغفرت اور لواحقین کے صبر وجمیل کی دعا کی۔
