فیصل آباد (این این آئی )فیصل آباد ریجن کے نواحی گا ؤں گوجرہ میں بس اور موٹرسائیکل رکشہ میں تصادم ہوا ہے۔حادثہ کے نتیجے میں اسکول جانے والے پانچ بچے جاں بحق اور متعدد زخمی ہو گئے۔زخمیوں کو اسپتال منتقل کر دیا گیا ہے۔ابتدائی اطلاعات کے مطابق حادثے میں رکشہ ڈرائیور بھی دم توڑ گیانواحی چک میں رکشہ ڈرائیور شاہد مذکورہ گاؤں کے بچے بچیوں کو لے کر شہر آ رہا تھا۔قریب مخالف سمت سے آنے والی ایک بس نے رکشہ کو ٹکر ماری۔حادثے کے نتیجے میں ڈرائیور شاہد، کمسن طلبہ عبداللہ، ایشال اور دوسری کلاس کی طالبات آمنہ اور عائشہ دم توڑ گئیں۔ایمان ،شانزہ اور خدیجہ شدید زخمی ہو گئیں جن کو ٹی ایچ کیو اسپتال پہنچایا گیا۔ٹی ایچ کیو اسپتال سے شانزہ اور خدیجہ کو الائیڈ اسپتال ریفر کر دیا گیا۔بس ڈرائیور موقع سے فرار ہو گیا۔
