ریاض(این این آئی)سعودی عرب کے وزیر خارجہ شہزادہ فیصل بن فرحان نے کہا ہے کہ انہوں نے اپنے امریکی ہم منصب انٹنی بلنکن کے ساتھ واشنگٹن ڈی سی میں نتیجہ خیز بات چیت کی ہے۔میڈیارپورٹس کے مطابق سعودی وزیر خارجہ نے مزید کہا کہ انہوں نے بلنکن سے اسٹریٹجک تعاون کے پہلوئوں کو مضبوط بنانے اور مشترکہ رابطوں کو تیز کرنے کے لیے کام کرنے پر تبادلہ خیال کیا۔دوسری جانب امریکی محکمہ خارجہ کے ایک بیان میں کہا گیا کہ دونوں وزرا نے علاقائی مسائل پر تبادلہ خیال کیا جن میں یمن میں تنازع کے خاتمے کے دیرپا حل تک پہنچنے کے مشترکہ ہدف پر بھی گفتگوکی گئی۔اس موقع پر امریکی وزیرخارجہ بلنکن نے کہا کہ امریکی حکومت سعودی عرب کی سرزمین اور عوام کے دفاع میں مدد کرنے کیلیے پرعزم ہے۔ انہوں نے مملکت پر یمن کے ایرانی حمایت یافتہ حوثیوں کے حملوں کی مذمت کی۔ دونوں ورزا خارجہ اجلاس میں دیگر علاقائی مسائل پر بھی تبادلہ خیال کیا۔اس سے قبل دونوں وزرا نے ایک پریس کانفرنس کی جس میں بلنکن نے مضبوط اور اہم شراکت داری پر زور دیا۔انہوں نے مزید کہا کہ امریکا سعودی عرب کی سلامتی کے دفاع کے لیے پرعزم ہے۔اس موقعے پر شہزادہ فیصل بن فرحان سے یمن اور ایران کے امور پر بات چیت کی گئی۔سعودی وزیر خارجہ نے زور دیا کہ مملکت اور امریکا کے درمیان تعلقات خطے اور دنیا کے لیے اہم ہیں۔
