سابق امریکی صدر بِل کلنٹن کی طبیعت بگڑ گئی، آئی سی یو منتقل

0
32

واشنگٹن(این این آئی)سابق امریکی صدر بِل کلنٹن کے خون میں انفیکشن کے باعث طبیعت بگڑ گئی جس کے بعد انہیں کیلیفورنیا کے ایک اسپتال کے انتہائی نگہداشت یونٹ میں داخل کردیا گیا ہے۔میڈیارپورٹس کے مطابق یونیورسٹی آف کیلیفورنیا کے ارون میڈیکل سینٹر میں زیر علاج سابق صدر کا علاج کرنے والے ڈاکٹر کا کہنا تھا کہ 75 سالہ کلنٹن انتہائی نگہداشت کے یونٹ میں تھے، انہیں بنیادی طور پر پرائیویسی دینے کے لیے آئی سی یو میں رکھا گیا ۔غیر ملکی میڈیا رپورٹس کے مطابق سابق صدر کی ناساز طبیعت کا تعلق امراضِ قلب یا کورونا سے متعلق نہیں ۔بِل کلنٹن کے ترجمان اینجل یورینا نے ٹوئٹر پر جاری بیان میں کہا کہ وہ بہتر حالت میں ہیں ، اور ڈاکٹروں ، نرسوں اور عملے کے ناقابل یقین حد تک شکر گزار ہیں جو انہیں بہترین دیکھ بھال فراہم کر رہے ہیں۔