کو یت کی فلسطینی پناہ گزینوں کے لیے 21 ملین ڈالر کی امداد

0
41

کویت سٹی (این این آئی)کویت کی حکومت نے فلسطینی پناہ گزینوں کے لیے 21 ملین 50 لاکھ ڈالرکی امداد کا اعلان کیا ہے۔میڈیارپورٹس کے مطابق یہ رقم عرب اکنامک ڈویلپمنٹ فنڈ کے ذریعے فلسطینی پناہ گزینوں کے ذمہ دار ادارے اونروا کو ادا کی جائے گئی جو لبنان میں فلسطینی پناہ گزینوں کی بہبود پر صرف کی جائے گی۔دوسری طرف اقوام متحدہ کی ریلیف اینڈ ورکس ایجنسی اونروا نے کویت کی طرف سے پناہ گزینوں کے لیے امداد کی فراہمی پر کویتی حکومت کا شکریہ ادا کیا ہے۔ اونرو کا کہنا تھا کہ کویت کی طرف سے ملنے والی رقم لبنان میں فلسطینی پناہ گزینوں کی صحت اوردیگر ضروریات پر صرف کی جائے گی۔فنڈ نے اپنی ویب سائٹ پر ایک پوسٹ میں کہاکہ پہلی گرانٹ جس کے تحت فنڈ لبنان میں یو این آر ڈبلیو اے کے ہیلتھ پروگرام کی مالی اعانت میں حصہ ڈالنے کے لیے 1.5 ملین ڈالر فراہم کردی گئی ہے۔بیان میں مزید کہا کہ یہ رقم اسپتالوں میں علاج کے اخراجات کو بھی پورا کرے گا۔