جموں(این این آئی)غیر قانونی طور پر بھارت کے زیر قبضہ جموں و کشمیرمیں نیشنل کانفرنس کے صدر ڈاکٹر فاروق عبداللہ نے بھارتیہ جنتاپارٹی کو تنقید کا نشانہ بناتے ہوئے کہاہے کہ بی جے پی انتخابات میںکامیابی حاصل کرنے کیلئے بھارت میںنفرت کو ایک ہتھیار کے طورپر استعمال کررہی ہے ۔ کشمیرمیڈیاسروس کے مطابق فاروق عبداللہ نے جموں میں پارٹی کارکنوں کے ایک اجلاس سے خطاب کرتے ہوئے کہا کہ بی جے پی آئندہ سال اترپردیش میں ہونے والے انتخابات میں کامیابی کیلئے نفرت پھیلا رہی ہے ۔ انہوںنے کہاکہ جموں وکشمیر میں فرقہ پرستی کو ہودا دینے کی کوششیں کی جارہی ہیں اورانہوں نے لوگوں پر زوردیا کہ وہ مقبوضہ علاقے کو بی جے پی سے بچانے کیلئے متحد ہو کر فرقہ پرستی کو شکست دیں ۔انہوںنے خبردار کیاکہ اگر نفرت اسی طرح بڑھتی گئی تو بھارت ٹکرے ٹکرے ہوجائے گا۔ فاروق عبداللہ نے کہاکہ بھارت میں ہونے والے ہر الیکشن میں ملک کو ہندو مسلم کے نام پر توڑ کر کامیابی حاصل کرنے کی کوششیں کی جارہی ہے، تاہم سیاسی پارٹیوں کو چاہیے کہ وہ نفرت پھیلا کر کامیابی حاصل کرنے کے بجائے عوامی مسائل اور تعمیر و ترقی کے نام پر انتخابات میں حصہ لیں ۔انہوں نے کہاکہ ہمیں فرقہ واریت سے لڑنا ہو گااور ہندوئوں اور مسلمانوں کے درمیان نفرت کی دیوار کو گرانا ہو گا ۔انہوںنے کہاکہ آزادی کے بعد سے بھارت میں انتخابات میں کامیابی کیلئے نفرت کو ایک ہتھیار کے طورپر استعمال کیاگیا ہے ۔ فاروق عبداللہ نے مزید کہاکہ بی جے پی اتر پردیش کے انتخابات میں کامیابی کیلئے نفرت اور فرقہ واریت کی سیاست کر رہی ہے ۔انہوں نے کہاکہ بی جے پی آج یوپی کے انتخابات میں کامیابی کیلئے جموں میں بھی نفرت پھیلا رہی ہے ۔ انہوںنے کہاکہ بی جے پی نے ایک الیکشن بالاکوٹ پر نام نہاد حملے کے نام پر لڑا ، تاہم ایسی انتخابی کامیابیوں سے کچھ حاصل ہونے والا نہیں ۔
مقبول خبریں
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے،...
اسلام آباد (این این آئی)صدر مملکت آصف علی زرداری نے ملیریا پر قابو پانے کیلئے تمام سٹیک ہولڈرز کو اجتماعی کوششیں کرنے کی ضرورت...
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
اسلام آباد(این این آئی)چیئرمین سینیٹ سید یوسف رضا گیلانی نے کہا ہے کہ ملیریا پرقابو پانے کیلئے مشترکہ کوششوں کی ضرورت ہے،ملیریا کے خاتمے...
دو لاکھ میٹرک ٹن یوریا کھاد کی فوری درآمد کا معاملہ ای سی سی...
اسلام اباد(این این آئی)وفاقی وزیر صنعت وپیداوار رانا تنویر حسین نے ہدایت کی ہے کہ کھاد کی قلت سے بچنے کیلئے2 لاکھ میٹرک ٹن...
پاکستان کی بہترین جامعات کو مانیٹرنگ کے موثر نظام کے ذریعے عالمی معیار...
اسلام آباد(این این آئی)وفاقی وزیر برائے منصوبہ بندی ،ترقی و اصلاحات احسن اقبال نے کہا ہے کہ پاکستان مانیٹرنگ کے موثر اور جامع نظام...
اسلام آباد ہائیکورٹ نے نان، روٹی کی قیمتوں میں کمی کا نوٹیفکیشن معطل کردیا
اسلام آباد (این این آئی)اسلام آباد ہائی کورٹ نے وفاقی دارالحکومت میں نان، روٹی کی قیمتوں میں کمی کا نوٹیفکیشن 6 مئی تک...