اسلا م آباد (این این آئی)حریت رہنما یاسین ملک کی اہلیہ مشعال ملک نے کہا ہے کہ مسئلہ کشمیر اقوام متحدہ میں سب سے پرانا ہے،بھارتی فوج کشمیریوں کا قتل عام کر رہی ہے،اقوام متحدہ اپنی قراردادوں پر عملدرآمد کروائے۔بد ھ کوکشمیریوں کے یوم سیاہ پر اپنے بیان میں مشعال ملک نے کہاکہ آج کے دن ہندوستان نے کشمیر میں ظلم اور بربریت کا آغاز کیا۔انہوں نے کہاکہ بھارتی فوج کی ظلم بربریت 74 سال بعد بھی جاری ہے،بدقسمتی سے یو این او کی لسٹ میں سب سے پرانا مسئلہ آج تک حل نہ ہو سکا۔انہوں نے کہاکہ آج کے دن ہندوستان دہشت گرد آرمی جنت نظر وادی میں داخل ہوئی ۔انہوں نے کہاکہ یو این او اپنی ہی قراردادوں پر آج تک عمل کرنے میں ناکام رہا ہے۔مشعال ملک نے کہاکہ بھارتی فوج کشمیریوں کا قتل عام کر رہی ہے،اقوام متحدہ اپنی قراردادوں پر عملدرآمد کروائے۔
