لاہور( این این آئی)وزیر اعظم کے مشیر برائے تجارت عبد الرزاق دائود نے کہا ہے کہ دوسری پاکستان افریقہ تجارتی کانفرنس نائیجیریا میں ہوگی، وزارت تجارت متنوع اور جیوگرافک برآمدات کے لیے کوشاں ہے۔اپنے بیان میں عبد الرزاق دائود نے کہا کہ دوسری پاکستان افریقہ تجارتی کانفرنس 23 نومبر سے 25 نومبر تک لے گوس میں ہوگی۔انہوںنے بتایا کہ پاکستان سے 100 سے زائد کمپنیاں تجارتی کانفرنس میں شرکت کریں گی، یہ کانفرنس کینیا میں ہونے والی پہلی کانفرنس کا تسلسل ہے۔انہوں نے مزید کہا کہ وزارت تجارت متنوع اور جیوگرافک برآمدات کے لیے کوشاں ہے۔
