مکہ مکرمہ (این این آئی)صدارت عامہ برائے امور حرمین شریفین نے اسمارٹ ڈس انفیکشن روبوٹ سسٹم کا افتتاح کیاہے ، جو بغیر کسی انسانی مداخلت کے 4 گھنٹے میں مسجد حرام کے فرشوں کی اعلی معیار کی دھلائی اور جراثیم کشی کا کام انجام دیتا ہے۔میڈیارپورٹس کے مطابق سمارٹ روبوٹ لوگوں سے ٹکرانے یا زمینی رکاوٹوں کو روکنے کے لیے کیمروں، گرائونڈ اور اوور ہیڈ سینسرز، سیٹ بیلٹ اور چھوٹی اور بڑی چیزوں کو پڑھنے کی خصوصیت کا استعمال کرتا ہے۔اس کا وزن 300 کلوگرام ہے جس میں ایک ٹینک کی گنجائش ہے جس میں فرش کو دھونے کے لیے 68.14 لیٹر صاف پانی کی گنجائش ہے۔ یہ روبوٹ ایک صفائی کے عمل کو51cm اورچوڑائی میں68cm صفائی کرتا ہے۔ جب کہ ایک گھنٹے میں یہ 2045.26 مربع میٹر جگہ کو صاف کرتا ہے۔مسجد حرام میں صفائی کے لیے استعمال ہونے والے روبوٹ کی ایک خصوصیت یہ ہے کہ یہ تیز رفتار چارجنگ اور توانائی کی بچت جیسی خصوصیت کا حامل ہے۔اس میں 8 کیمرے نصب کیے گئے ہیں جو سینسر کے طور پر کام کرتے ہیں جنہیں مندرجہ ذیل ترتیب میں تقسیم کیا گیا ہے۔ سب سے پہلا کیمرہ 190 کے زاویے پر لِڈر سینسر 25 میٹر تک کام کرتا ہے۔ دوسرا ایک مستطیل شکل میں ارد گرد کے علاقے کو تین سمتوں میں پڑھنے کے لیے 3D سینسرکیمرہ ہے، تیسرا 2D سینسر ہے جو ارد گرد کے علاقے کو دو سمتوں میں پڑھ سکتا ہے۔ایک خصوصیت یہ ہے کہ روبوٹ سے منسلک فون نمبر پر تصاویر کے ساتھ ایس ایم ایس پیغامات بھیج سکتا ہے۔ یہ مشین اس کی خاموشی کی خصوصیت بھی رکھتی ہے اور کسی قسم کا شور پیدا نہیں کرتی ہے۔ یہ ایسی خصوصیات سے بھی لیس ہے جو اس بات کو یقینی بناتی ہے کہ یہ ٹھوس اشیا اور ہر طرح کی دھول اور پانی کے اسپرے سے تمام سمتوں میں محفوظ رہ سکتا ہے۔صدارت عامہ برائے امور حرمین کے صدر ڈاکٹر عبدالرحمن السدیس نے کہا کہ جنرل پریزیڈنسی ایک واضح طریقہ کار کے مطابق کام کرتی ہے۔ ہمارا مقصد حرمین شریفین میں آنے والے زائرین کو بہتر اور معیاری سہولیا فراہم کرنا ہے۔
