لاہور( این این آئی)پاکستان مسلم لیگ (ن) کے ڈپٹی جنرل سیکرٹری عطا اللہ تارڑ نے کہا ہے کہ اللہ تعالیٰ نے ہمیں تو عدالتوں سے سر خرو کیا ہے لیکن اب حکمرانوں کی باری آنے والی ہے،شہبازشریف اور حمزہ شہباز پر جھوٹے کیسز بنائے گئے ،ایف آئی اے ایک ایک سال سے انویسٹی گیشن مکمل نہیں کر سکی،لاہور کی عدالت شہباز گل کو ڈھونڈ رہی ہے جبکہ شہزاد اکبر بھی غائب ہو گئے ہیں۔شہباز شریف اور حمزہ شہباز کی بینکنگ جرائم کورٹ میں پیشی کے موقع پر میڈیا سے گفتگو کرتے ہوئے حکمرانوں کے جھوٹ کی حقیقت عوام کے سامنے بے نقاب ہو چکی ہے،یہ آج تک ایک الزام ثابت نہیں کر سکے ۔ ایک باجی بد زبان ہوا کرتی تھیں لیکن آج ان کا کوئی نام و نشان نہیں ہے ، یہی حال فیاض الحسن چوہان کا بھی ہے ، ڈاکٹر شہباز گل صاحب کو عدالت ڈھونڈ رہی ہے ، ان کے تو وکیل بھی پیش نہیں ہوتے ۔ شہباز گل کو صاحب کہنا لفظ صاحب کی بھی توہین ہے ۔ انہوں نے صرف نواز شریف اور شہباز شریف کے بغض میں ترک کمپنی پر الزام لگایا گیا ، یہ کہا گیا کہ ترک کمپنی البیراک نے رشوت دے کر ٹھیکہ حاصل کیا اور اس میں سلیمان شہباز کا جھوٹا نام لیا گیا ۔ ترکی اور اس کی عوام نے ہر کڑے وقت میں پاکستان کا اور اسی طرح پاکستان اور اس کی عوام نے کڑے وقت میں ترکی کا ساتھ دیا ہے ، ترکی ہمارا برادر ملک ہے لیکن حکمران نواز شریف اور شہباز شریف کے بغض میں یہ بھی بھول جاتے ہیں کہ ہمارے کس ملک سے کیا تعلقات ہیں ۔ عطا اللہ تارڑ نے کہا کہ شہبازگل نے پاک ترک کمپنی پر جھوٹا بیان دیا تھا اور اب ہتک عزت کا دعوی دائر ہوا تو شہباز گل نظر نہیں آ رہے۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...