تل ابیب(این این آئی)اسرائیلی فوج کے چیف آف سٹاف آویو کو چاوی نے کہا ہے کہ ایران خطے میں چھوٹے بچے جیسا برتاؤ کر رہا ہے،حزب اللہ نے ہم پر حملہ کیا تو اسے بھاری قیمت چکانا پڑے گی، فی الحال غزہ کے ساتھ قیدیوں کا کوئی معاہدہ نہیں ہے کیونکہ حماس اس کے لیے تیار نہیں۔میڈیارپورٹس کے مطابق اسرائیلی فوج کے چیف آف سٹاف آویو کوچاوی نے بتایاکہ فی الحال غزہ کے ساتھ قیدیوں کا کوئی معاہدہ نہیں ہے کیونکہ حماس اس کے لیے تیار نہیں۔اسرائیلی فوج کے چیف آف سٹاف آویو کوچاوی نے بتایا کہ ان کی افواج آپریشنل منصوبوں کو تیز کر رہی ہیں اور کسی بھی ایرانی کشیدگی یا فوجی جوہری خطرے سے نمٹنے کے لیے تیاری ہیں۔انہوں نے اس بات پر بھی زور دیا کہ اسرائیلی فوج دشمنوں کے خلاف کارروائیاں جاری رکھے ہوئے ہے اور پچھلے ایک سال کے دوران پورے مشرق وسطیٰ میں خفیہ آپریشنز اور مشنز کیے گئے ہیں۔
