اسلام آباد (این این آئی) وفاقی وزیر علی زیدی نے قومی اسمبلی کو بتایا ہے کہ ملک میں سیکنڈ ہینڈ جہاز امپورٹ کرنے کی ملک میں کوئی پابندی نہیں ۔ جمعہ کو وقفہ سوالات کے دور ا ن علی زیدی نے کہاکہ ملک میں سیکنڈ ہینڈ جہاز امپورٹ کرنے کی ملک میں کوئی پابندی نہیں ہے۔ انہوںنے کہاکہ ڈیپ سی فشنگ پالیسی پر تمام سٹیک ہولڈرز کو اعتماد میں لیکر بنائی گئی ہے۔انہوںنے کہاکہ ہم نے کسی غیر ملکی پاکستان میں ٹرالنگ کی اجازت نہیں دی۔ انہوں نے کہاکہ کسی نے فشنگ کرنی ہے تو پاکستان میں آ کر رجسٹر ہوں۔انہوں نے کہاکہ ہم نے جوائنٹ وینچر بھی بند کر دیا ہے۔
