اسلام آباد (این این آئی) پاکستان پیپلز پارٹی کی نائب صدر سینیٹر شیری رحمن نے کہا ہے کہ اپوزیشن کو بتایاگیا تھا بل کمیٹیز کے پاس جائینگے ،سپلیمنٹری ایجنڈا ملی بھگت اور سوچا سمجھا منصوبا تھا۔سینیٹ میں اپوزیشن جماعتوں کی اجلاس کے بعد میڈیا سے گفتگو کرتے ہوئے شیری رحمان نے کہاکہ واضح طور پر اپوزیشن کو بتایا گیا تھا کہ بل کمیٹیز میں جائینگے ۔ شیری رحمن نے کہاکہ پارلیمانی روایت ہے بلز کمیٹیز بھیجے جاتے ہیں، حکومت نے سپلیمنٹری ایجنڈا لا کر ووٹنگ کرائی۔ انہوںنے کہاکہ سپلیمنٹری ایجنڈا ملی بھگت اور سوچا سمجھا منصوبا تھا، انہوں نے سینیٹ کو قومی اسمبلی کی طرح بنانا ہے۔ انہوںنے کہاکہ ہم بھی دیکھتے ہیں یہ ہائوس کیسے چلتا ہے، اس طرح ہائوس نہیں چلے گا، ان کی مصنوعی اکثریت کو ہم مسترد کرتے ہیں۔
