کراکس(این این آئی)لاطینی امریکی ملک وینزویلا نے ایک ایسی انسداد کرونا ویکسین تیار کرنے کا دعوی کیا ہے جو وبا کو جڑ سے اکھاڑ پھینکنے کی صلاحیت رکھتی ہے۔عرب ٹی وی کے مطابق وینز ویلا کے صدر نیکولس مادورو نے کہا کہ وینزویلا انسٹی ٹیوٹ برائے سائنسی ریسرچ کے سائنسدانوں نے ایک ایسی دوا تیار کی ہے جو کسی بھی سائیڈ افیکٹ سے محفوظ ہے اور کرونا کی وبا کو جڑ سے اکھاڑنے کی صلاحیت رکھتی ہے۔انہوں نے مزید کہا کہ وہ چند روز کے اندر اندر یہ ویکسین عالمی ادارہ صحت کو توثیق کے لیے پیش کریں گے تاکہ پوری دنیا پر یہ ثابت ہو سکے کہ وینزویلا کرونا وبا کی روک تھام کے لیے ویکسین کی تیاری میں کامیاب ہو چکا ہے
