اسلام آباد (این این آئی)مسلم لیگ (ن )کے رہنما سابق وفاقی وزیر احسن اقبال نے سوال اٹھا دیا ہے کہ کیا بھارت کسی پاکستانی جاسوس کے لیے کلبھوشن جیسا قانون منظور کرے گا؟۔جاری کیئے گئے ایک بیان میں مسلم لیگ نون کے رہنما احسن اقبال نے کہا کہ دشمن ملک کے جاسوسوں کو این آر او دے کر کسی ملک کی پارلیمنٹ اپنے منہ پر کالک نہیں ملتی۔ انہوںنے کہاکہ دشمن ملک کے جاسوس کے نام سے قانون پاس کر کے ملک کی عزت اور پارلیمنٹ کا وقار خاک میں ملا دیا گیا۔سابق وفاقی وزیر احسن اقبال کا کہنا ہے کہ اپنی حکومت جاتی دیکھ کر عمران خان نے اپنے ساتھیوں کو این آر او دینا شروع کر دیا ہے۔
