اسلام آباد (این این آئی)رہنما پیپلز پارٹی ممبر قومی اسمبلی قادر پٹیل نے مراد سعید کی تقریر پرردعمل کا اظہار کرتے ہوئے کہا ہے کہ مراد سعید سوات کے عوام سے اپنے نانا کے بارے آگاہی حاصل کریں۔اپنے بیان میں قادر پٹیل نے کہاکہ صحت کارڈ ہو یا کسان کارڈ فراڈ کے تعویذ ہیں۔ انہوںنے کہاکہ پورے ملک سے کینسر ، جگر ، گردوں اور دل کے مریض مفت علاج کے لئے سندھ آتے ہیں، سندھ میں کسانوں سے گندم 22 سو روپے من خریدی جا رہی ہے ۔انہوںنے کہاکہ پنجاب اور خیبر پختون خوا میں کسانوں کا معاشی استحصال ہو رہا ہے ۔ انہوںنے کہاکہ مراد سعید بتائیں 200 ارب ڈالر بنی گالا میں کہاں پڑے ہیں۔
